കണ്ണൂർ : സംസ്ഥാന സ്‌കൂൾ കായികമേളയിലേക്കുള്ള ദീപശിഖാ പ്രയാണത്തിന് ജില്ലയിലെ വിവിധ കേന്ദ്രങ്ങളിൽ സ്വീകരണം നൽകി. കാസർകോട്ട്‌ നിന്നാരംഭിച്ച ദീപശിഖാ പ്രയാണത്തെ രാവിലെ ജില്ലാ അതിർത്തിയായ കരിവെള്ളൂരിൽ സ്വീകരിച്ചു.
തുടർന്ന് തളിപ്പറമ്പ് മന്ന സീതി സാഹിബ് എച്ച്.എസ്.എസിന് സമീപം നൽകിയ സ്വീകരണത്തിൽ ജില്ലാ പഞ്ചായത്ത് സ്ഥിരം സമിതി ചെയർപേഴ്‌സൻ കെ.കെ. രത്‌നകുമാരി, തളിപ്പറമ്പ് മുനിസിപ്പൽ ചെയർപേഴ്‌സൺ മുർഷിദ കൊങ്ങായി, ശ്രീകണ്ഠപുരം ജി.എച്ച്.എസ്.എസിൽ സജീവ് ജോസഫ് എം.എൽ.എ., ശ്രീകണ്ഠപുരം നഗരസഭ ചെയർപേഴ്‌സൺ കെ.വി. ഫിലോമിന എന്നിവർ പങ്കെടുത്തു. കൊട്ടിയൂർ ഐ.ജെ.എം. എച്ച്.എസ്.എസിലും സ്വീകരണം നൽകി. തുടർന്ന് വയനാട് ജില്ലയിലേക്ക് കടന്നു.
ഹയർ സെക്കൻഡറി റീജണൽ ഡി.ഡി. ആർ. രാജേഷ്, ഡയറ്റ് പ്രിൻസിപ്പൽ വി.വി. പ്രേംരാജൻ, വി.എച്ച്.എസ്. അസി. ഡയറക്ടർ ഉദയകുമാരി, സമഗ്രശിക്ഷാ കേരളം ഡി.പി.സി. ഇ.സി. വിനോദ്, വിദ്യാകിരണം ജില്ലാ കോഡിനേറ്റർ കെ.സി. സുധീർ, ഡി.ഇ.ഒ.മാർ, എ.ഇ.ഒമാർ, ബി.പി.സി.മാർ എന്നിവർ ദീപശിഖാ പ്രയാണത്തെ അനുഗമിച്ചു.
