കാസറഗോഡ്: ബൈക്കിൽ കടത്തുകയായിരുന്ന ഒന്നേകാൽ ലക്ഷം രൂപയുടെ മാരക ലഹരിമരുന്നായ എംഡി എം എ യുമായി യുവാക്കളെ പോലീസ് പിടികൂടി.മധൂർ ഹിയാദ് നഗർ സ്വദേശികളായ എം.നൗഷാദ് (37), ചേറ്റും കുഴി ഹൗസിൽ അബ്ദുൾ റഹ്മാൻ (37) എന്നിവരെയാണ് എസ്.ഐ എം പി. പ്രദീഷ് കുമാറും സംഘവും പിടികൂടിയത്.കഴിഞ്ഞ ദിവസം രാത്രി 9 മണിക്ക് കുഡ്ലുപാറക്കട്ട ജംഗ്ഷനിൽ നിന്നും മീപ്പുഗിരി ഭാഗത്തേക്ക് പോകുകയായിരുന്ന കെ. എൽ .14.ആർ.7613 നമ്പർ ബൈക്കിൽ കടത്തുകയായിരുന്ന 24.15 ഗ്രാം മാരക ലഹരിമരുന്നായ എംഡി എം എ യാണ് ഇരുവരും പോലീസ്പിടിയിലായത്.വാഹനം കസ്റ്റഡിയിലെടുത്ത പോലീസ് പ്രതികളുടെ മൊബൈൽ ഫോണുകളും 1810 രൂപയും പിടിച്ചെടുത്തു. അറസ്റ്റു ചെയ്തു കോടതിയിൽ ഹാജരാക്കിയ പ്രതികളെ റിമാൻ്റ് ചെയ്തു.
