പിണറായി :ഭർതൃമതിയെ കത്തി വാൾകൊണ്ട് കൊണ്ട് വെട്ടി പരിക്കേൽപ്പിച്ച ഭർതൃസഹോദരൻ അറസ്റ്റിൽ. പിണറായി സി എച്ച് സി ക്ക് സമീപത്തെ സലീം മൻസിലിൽ മുസ്താഖ് മജീദിനെ (44) യാണ് പിണറായി പോലീസ് അറസ്റ്റു ചെയ്തത്.ഇന്നലെ രാവിലെ 8 മണിയോടെയാണ് സംഭവം.പ്രതിയോട് ചോദിക്കാതെ ഭർത്താവിൻ്റെ മൂത്ത സഹോദനെയും കൂട്ടി ബന്ധുവീട്ടിൽ പോയ വിരോധത്തിൽ സഹോദരൻ നസീറിൻ്റെ ഭാര്യയായ സി.കെ.ജംഷീറ (41) യെയാണ്കത്തി വാൾകൊണ്ട് പ്രതികൈക്ക് വെട്ടി അപായപ്പെടുത്താൻ ശ്രമിച്ചത്.സാരമായി പരിക്കേറ്റ യുവതിയെ തലശേരി ഗവ. ആശുപത്രിയിൽ പ്രവേശിപ്പിച്ചു.പരാതിയിൽ യുവതിയുടെ മൊഴി രേഖപ്പെടുത്തിയ പോലീസ് നരഹത്യാശ്രമത്തിന് കേസെടുത്ത് പ്രതി അറസ്റ്റു ചെയ്തു.കോടതിയിൽ ഹാജരാക്കിയ പ്രതിയെ റിമാൻ്റ് ചെയ്തു.
