ചക്കരക്കല്ല് : കണ്ണൂർ നോർത്ത് ഉപജില്ലാ സ്കൂൾ കലോത്സവം 26 മുതൽ 30 വരെ ചെമ്പിലോട് ഹയർ സെക്കൻഡറി സ്കൂളിൽ നടക്കും. 118 ഇനങ്ങളിലായി 6254 കുട്ടികൾ മത്സരത്തിൽ പങ്കെടുക്കും. 28-ന് ഉച്ചയ്ക്ക് 12-ന് മന്ത്രി രാമചന്ദ്രൻ കടന്നപ്പള്ളി ഉദ്ഘാടനം ചെയ്യും.
പത്രസമ്മേളനത്തിൽ സംഘാടകസമിതി ചെയർമാൻ കെ. ദാമോദരൻ, മാനേജർ വത്സൻ മഠത്തിൽ, എ.ഇ.ഒ. ഒ.സി. പ്രസന്നകുമാരി, ടി.പി. റീനാകുമാരി, കെ. പ്രകാശൻ, കെ. സുനിൽകുമാർ, എന്നിവർ പങ്കെടുത്തു. ഉപജില്ലാ കലോത്സവത്തിന്റെ പ്രചാരണാർഥം ചക്കരക്കല്ല് ടൗണിൽ വിളംബരഘോഷയാത്ര നടത്തി.
