വാഷുമായി ചാരായ വാറ്റുകാരൻ അറസ്റ്റിൽ

ശ്രീകണ്ഠാപുരം.ചാരായം വാങ്ങാനെന്ന വ്യാജേന വേഷം മാറിയെത്തിയ എക്സൈസ് സംഘം ചാരായ വില്പനക്കാരനെ 50 ലിറ്റർ വാഷുമായി പിടികൂടി.
വഞ്ചിയംചോലപ്പനം ദേശത്തെ പ്രധാന ചാരായ വില്പനക്കാരനായ ചോലപ്പനംനഗറിലെ പുതുശ്ശേരി വീട്ടിൽ മോഹനനെ (51)യാണ്
ശ്രീകണ്ഠാപുരം റേഞ്ച് എക്സൈസ് ഓഫീസിലെ അസി:എക്‌സൈസ് ഇൻസ്‌പെക്ടർ പി.സി.വാസുദേവനും സംഘവും അറസ്റ്റ് ചെയ്തത്. പയ്യാവൂർ, ചാപ്പക്കടവ്, വഞ്ചിയം, ചോലപ്പനം ഭാഗങ്ങളിൽ നടത്തിയ റെയിഡിലാണ് വീട്ടിൽ സൂക്ഷിച്ച50 ലിറ്റർ വാഷുമായി പ്രതി പിടിയിലായത്.
ആവശ്യക്കാരെന്ന വ്യാജേന വേഷം മാറി തന്ത്ര പൂർവ്വമാണ് മോഹനനെ എക്‌സൈസുകാർ പിടികൂടിയത്.
റെയ്ഡിൽ അസി: എക്സൈസ് ഇൻസ്പെക്ടർ പി.ആർ.സജീവ്, പ്രിവൻ്റീവ് ഓഫീസർമാരായ എം.പി.ഹാരിസ്,എം.വി. പ്രദീപൻ, എം.എം.ഷഫീഖ്, സിവിൽ എക്സൈ സ് ഓഫീസർ പി.ഷിബു. എന്നിവരും ഉണ്ടായിരുന്നു അറസ്റ്റു ചെയ്തത് കോടതിയിൽ ഹാജരാക്കിയ പ്രതിയെ റിമാൻ്റ് ചെയ്തു