കണ്ണൂർ: ക്രൈസ്തവ വിശ്വാസികൾ പരേതരുടെ ഓർമദിനം ആചരിച്ചു. കണ്ണൂർ ബർണ്ണശ്ശേരി ഹോളി ട്രിനിറ്റി കത്തീഡ്രൽ സെമിത്തേരിയിൽ വിശ്വാസികൾ ഒത്തുചേർന്നു. പൂർവികരുടെയും ഉറ്റവരുടെയും കല്ലറകളിൽ പുഷ്പങ്ങൾ വെച്ചും മൊഴുകുതിരികൾ തെളിച്ചും പ്രാർഥനാ ശുശ്രൂഷയിൽപങ്കെടുത്തു. സെമിത്തേരിയിൽ നടന്ന ആഘോഷമായ ദിവ്യബലിക്കും തിരുക്കർമ്മങ്ങൾക്കും കണ്ണൂർ രൂപത ബിഷപ്പ് ഡോ. അലക്സ് വടക്കുംതല മുഖ്യകാർമികത്വം വഹിച്ചു. നിയുക്ത സഹായ മെത്രാൻ മോൺ.ഡോ. ഡെന്നിസ് കുറുപ്പശേരി, രൂപത പ്രൊക്യൂറേറ്റർ ഫാ. ജോർജ്ജ് പൈനാടത്ത്, കത്തീഡ്രൽ വികാരി ഫാ. ഡോ. ജോയ് പൈനാടത്ത്, ഫാ.ഷിജോ ഏബ്രഹാം, ഫാ. ജോമോൻ ചെമ്പകശ്ശേരി, ഫാ. എബിൻ സെബാസ്റ്റ്യൻ, ഫാ.ജോസഫ് ഡിക്രൂസ്, ഫാ.വിപിൻ വില്യം, ഫാ.ആഷ്ലിൻ, ഫാ. തോംസൺ ആന്റണി എസ്. ജെ. എന്നിവർ സഹകാർമ്മികരായിരുന്നു.
