തളിപ്പറമ്പ് :മുത്തച്ഛനോടൊപ്പം സ്കൂട്ടറിൽ സഞ്ചരിക്കവെ നിയന്ത്രണം വിട്ടു മറിഞ്ഞ് നാലുവയസുകാരി മരണപ്പെട്ടു. ബക്കളം കാനൂലിലെ സൂര്യയുടെ മകൾ ആൻഡ്രിയ ആൻസൻ ആണ് മരിച്ചത്. തളിപ്പറമ്പിലേക്ക് വരുന്നതിടെ മുത്തച്ഛൻ ഭാസ്ക്കരൻ ഓടിച്ച കെ.എൽ.59 കെ.2853 നമ്പർ സ്കൂട്ടർ ഏഴാംമൈലിൽ വെച്ച് നിയന്ത്രണം വിട്ട് മറിയുകയായിരുന്നു. ഓടിക്കൂടിയ നാട്ടുകാർ ഉടൻ കണ്ണൂരിലെ സ്വകാര്യ ആശുപത്രിയിൽ എത്തിച്ചുവെങ്കിലും മരണപ്പെട്ടു.
