പയ്യന്നൂർ.ഡ്യൂട്ടിക്കിടെ സ്വകാര്യ ബസിലെ കണ്ടക്ടറെ കല്ലുകൊണ്ട് നെറ്റിക്ക് കുത്തി പരിക്കേൽപ്പിച്ചുവെന്ന പരാതിയിൽ പോലീസ് കേസെടുത്തു. സ്വകാര്യ ബസ് കണ്ടക്ടർ അരവഞ്ചാൽ കീപ്പാട്ടു പൊയിലിലെ പി.മിഥുൻ്റെ (26) പരാതിയിലാണ് കാങ്കോൽ കാളീശ്വരത്തെ ജയേഷിൻ്റെ പേരിൽ പയ്യന്നൂർ പോലീസ് കേസെടുത്തത്.ഇക്കഴിഞ്ഞ രണ്ടാം തീയതി രാവിലെ 9.35 മണിക്ക് പെരുമ്പയിൽ വെച്ചാണ് പരാതിക്കാ സ്പദമായ സംഭവം. മൂന്ന് മാസം മുമ്പ് ബസിൻ്റെ കലക്ഷൻ പൈസ ഉടമക്ക് കൊടുക്കാത്തത് പരാതിക്കാരൻ ചോദിച്ചതിലുള്ള വിരോധത്തിൽ യുവാവ് ബസിൽ കയറി ആക്രമിച്ചുവെന്ന പരാതിയിലാണ് കേസ്.
