പയ്യന്നൂർ: നവംബർ 19 മുതൽ 23 വരെ നടക്കുന്ന റവന്യു ജില്ല കേരള സ്കൂൾ കലോത്സവത്തിൻ്റെ സംഘാടക സമിതി ഓഫീസ് തുറന്നു. എ. കുഞ്ഞിരാമൻ അടിയോടി സ്മാരക ഗവ. വി.എച്ച്. എസ്. എസിൽ നടന്ന പരിപാടി ടി.ഐ. മധുസൂദനൻ എം.എൽ.എ ഉദ്ഘാടനം ചെയ്തു. നഗരസഭ ചെയർപേഴ്സൺ കെ.വി. ലളിത അധ്യക്ഷത വഹിച്ചു. ഡി.ഡി.ഇ. ബാബു മഹേശ്വര പ്രസാദ് , ആർ.ഡി.ഡി. ആർ. രാജേഷ് കുമാർ, എസ്. എസ്.കെ. ജില്ല കോ ഓർഡിനേറ്റർ ഇ.സി. വിനോദ്, പയ്യന്നൂർ എ. ഇ. ഇ. ടി.വി. ജ്യോതി ബസു , നഗരസഭ വൈസ് ചെയർമാൻ പി.വി. കുഞ്ഞപ്പൻ, സ്ഥിരം സമിതി അധ്യക്ഷൻമാർ, കൗൺസിലർമാർ, വിവിധ സബ് കമ്മിറ്റി ചെയർമാൻമാർ, കൺവീനർമാർ എന്നിവർ പങ്കെടുത്തു. കലോത്സവത്തിൻ്റെ പ്രോഗ്രാം നോട്ടീസ് പ്രകാശനം ചെയ്തു. എ. കുഞ്ഞിരാമൻ അടിയോടി സ്മാരക ഗവ. വി.എച്ച്. എസ്. എസ് ഹാളിൽ നടന്ന പരിപാടി ഡെപ്യൂട്ടി ഡയരക്ടർ ഓഫ് എഡ്യുക്കേഷൻ ബാബു മഹേശ്വര പ്രസാദ് പ്രോഗ്രാം കമ്മിറ്റി ചെയർമാൻ കെ.കെ. ഫൽഗുനന് നല്കി പ്രകാശനം ചെയ്തു. കെ.കെ. ഫൽഗുനൻ അധ്യക്ഷത വഹിച്ചു. പ്രോഗ്രാം കൺവീനർ യു.കെ. ബാലചന്ദ്രൻ, കെ.പി.എസ്. ടി. എ സംസ്ഥാന വൈസ് പ്രസിഡൻ്റ് കെ. രമേശൻ, എ.ഇ.ഒ. ടി.വി. ജ്യോതിബാസു, എം.കെ. അരുണ , എ.രൂപേഷ് , എം. സുമ, പി. സുധീഷ്, എന്നിവർ സംസാരിച്ചു.
