പഴയങ്ങാടി. നിരോധിത പുകയില ഉല്പന്നങ്ങളുമായി വ്യാപാരി പിടിയിൽ. എരിപുരത്തെ പി.അലിയെ (80) യാണ് എസ്.ഐ.പി.യദു കൃഷ്ണനും സംഘവും പിടികൂടിയത്. എരിപുരത്തെ മാടായി ഗവ.ബോയ്സ് ഹയർ സെക്കൻ്ററി സ്കൂളിന് എതിർവശത്തെ കടയിൽ വെച്ചാണ് 80 പാക്കറ്റ് നിരോധിത പുകയില ഉല്പന്നങ്ങളുമായി പോലീസ് പിടിയിലായത്.
മാട്ടൂൽ ഗവ.ആശുപത്രിക്ക് സമീപം വെച്ച് 19പൗച്ച്’ നിരോധിത പുകയില ഉല്പന്നങ്ങളുമായി യുവാവിനെ പോലീസ് പിടികൂടി. മാട്ടൂൽ സെൻട്രലിലെ എ.വി.ഷെഹിനെ (36)യാണ് എസ്.ഐ.പി.യദു കൃഷ്ണനും സംഘവും പിടികൂടിയത്.
അതേ സമയം വാഹന പരിശോധനക്കിടെ സ്കൂട്ടറിൽ കടത്തുകയായിരുന്ന 30 പൗച്ച് നിരോധിത പുകയില ഉല്പന്നങ്ങളുമായി യുവാവിനെ പോലീസ് പിടികൂടി. കുഞ്ഞിമംഗലംതലായിയിലെ എം പി ഫൈസലിനെ (41) യാണ് എസ്.ഐ.പി.യദു കൃഷ്ണനും സംഘവും പിടികൂടിയത്. എരിപുരം താലൂക്കാശുപത്രിക്ക് സമീപം വെച്ചാണ് കെ.എൽ.86.3183 നമ്പർ സ്കൂട്ടറിൽ കടത്തുകയായിരുന്ന നിരോധിത പുകയില ഉല്പന്നങ്ങളുമായി യുവാവ് പിടിയിലായത്.
പാൻമസാലയുമായി മൂന്നു പേർ പിടിയിൽ
