കണ്ണപുരം:ചെറുകുന്ന് കെഎസ്ഇബി ഓഫീസിന് സമീപം നാല് വാഹനങ്ങൾ കൂട്ടിയിടിച്ച് അപകടം.
നിർത്തിയിട്ടിരുന്ന ബൈക്കിനും കാറിനും പഴയങ്ങാടി ഭാഗത്ത് നിന്നും അമിതവേഗത്തിലെത്തിയ പിക്കപ്പ് വാൻ ഇടിക്കുകയായിരുന്നു.ഇതേ തുടർന്ന്
കാർ മറ്റൊരു ബൈക്കിനു ഇടിച്ചുനിൽക്കുകയാണുണ്ടായത്. അപകടത്തിൽപ്പെട്ട ബൈക്ക് പൂർണമായും മറ്റൊരു ബൈക്കും കാറും ഭാഗികമായും തകർന്നു. ഇന്നലെ രാത്രി 10 .30 മണിയോടെയാണ് അപകടം. വിവരമറിഞ്ഞ് സ്ഥലത്തെത്തിയ കണ്ണപുരം പോലീസ് വാഹനങ്ങൾ കസ്റ്റഡിയിലെടുത്തു.
ചെറുകുന്നിൽ നാല് വാഹനങ്ങൾ കൂട്ടിയിടിച്ചു
