പഴയങ്ങാടി :സി.പി.ഐ എം. മാടായി നോർത്ത് ലോക്കൽ സമ്മേളനത്തിന്റെ ഭാഗമായി പാപ്പിനിശ്ശേരി സൈറസ് എം.എം. ഹോസ്പിറ്റലിന്റെ സഹകരണത്തോടെ സൗജന്യ മെഡിക്കൽ ക്യാമ്പ് സംഘടിപ്പിച്ചു.
വെങ്ങര ഇ.കെ.നായനാർ മന്ദിരത്തിൽ സംഘടിപ്പിച്ച മെഡിക്കൽ ക്യാമ്പ് സി.പി.എം. മാടായി നോർത്ത് ലോക്കൽ കമ്മിറ്റി സെക്രട്ടറി എം. രാമചന്ദ്രൻ ഉദ്ഘാടനം ചെയ്തു.
സംഘാടകസമിതി ചെയർമാൻ എൻ.ശശി അധ്യക്ഷത വഹിച്ചു.
സൈറസ് എം.എം.ഹോസ്പിറ്റൽ എം.ഡി., ഡോ. ജിനാഷ് മുഖ്യാതിഥിയായി.
സുഭഗൻ മാസ്റ്റർ, കെ.പി.മോഹനൻ, എൻ.പി. അഭിനന്ദ് എന്നിവർ സംസാരിച്ചു.
അസ്തിരോഗം, ഗൈനക്കോളജി, ജനറൽ സർജറി വിഭാഗങ്ങളുമായി ബന്ധപ്പെട്ട പരിശോധനകൾക്കും, സംശയ നിവാരണങ്ങൾക്കുമായി നൂറുകണക്കിനാളുകൾ ക്യാമ്പിന്റെ സേവനം പ്രയോജനപ്പെടുത്തി.
