തലശ്ശേരി നോർത്ത് ഉപജില്ലാ കേരള സ്കൂൾ കലോത്സവത്തിൻ്റെ ഭാഗമായി കൊളശ്ശേരി ടൗണിൽ പാട്ടും വരയും നടത്തി.തലശ്ശേരി നോർത്ത് ഉപജില്ലാ കേരള സ്കൂൾ കലോത്സവത്തിൻ്റെ പ്രചരണാർത്ഥം നടന്ന പരിപാടിയോടനുബന്ധിച്ച് സമൂഹ ചിത്രരചന, സംഗീത വിരുന്ന്,ഫ്ലാഷ് മോബ് എന്നിവയും അരങ്ങേറി.വടക്കുമ്പാട് ഗവ:ഹയർ സെക്കണ്ടറി സ്കൂൾ പ്രിൻസിപ്പാൾ ടി.കെ.സതീശൻ, ഹെഡ്മാസ്റ്റർ എ.പ്രശാന്ത് എന്നിവർ നേതൃത്വം നൽകി.സമൂഹ ചിത്രരചനക്ക് കലാകാരൻമാരായ സുശാന്ത് കൊല്ലറയ്ക്കൽ, രാജേന്ദ്രൻ മാസ്റ്റർ എന്നിവർ നേതൃത്വം നൽകി.പ്രശസ്ത നാടൻപാട്ട് കലാകാരൻ കുട്ടാപ്പു കതിരൂരിൻ്റെ നേതൃത്വത്തിൽ നടന്ന സംഗീത വിരുന്നിൽ വടക്കുമ്പാട് ഗവ:ഹയർ സെക്കണ്ടറി സ്കൂളിലെ വിദ്യാർത്ഥി വിദ്യാർത്ഥിനികളും പങ്കെടുത്തു.വിദ്യാർത്ഥിനികൾ ഫ്ളാഷ് മോബ് അവതരിപ്പിച്ചു.പൂർവ വിദ്യാർത്ഥി കൂട്ടായ്മയായ ഓർമ്മച്ചെപ്പ് പ്രതിനിധി നാഷിഫ് അലിമിയാൻ നന്ദിയും പറഞ്ഞു.
