പയ്യന്നൂർ.വാഹനാപകടത്തെ തുടർന്ന് യുവതിയുടെ പല്ല് തകർന്നു കാലിനും കൈക്കും ഗുരുതര പരിക്കേറ്റു.പരാതിയിൽ ബൈക്ക് യാത്രികനെതിരെ പയ്യന്നൂർ പോലീസ് കേസെടുത്തു. പരിയാരം കുറ്റ്യരി മാവിച്ചേരി സ്വദേശിനി കെ. പി. റംലാബീ (42) ക്കാണ് പരിക്കേറ്റത്.കോത്തായി മുക്കിൽ വെച്ച് പരാതിക്കാരി ഓടിച്ചു പോകുകയായിരുന്ന കെ. എൽ.59.പി.1312 നമ്പർ സ്കൂട്ടറിൽ അമിത വേഗതയിൽ ഓടിച്ചു വന്ന കെ. എൽ. 86. എ.0740 നമ്പർ ബൈക്ക് ഇടിച്ചാണ് അപകടം. സാരമായി പരിക്കേറ്റ യുവതിയെ ആശുപത്രിയിൽ പ്രവേശിപ്പിച്ചു.പരാതിയിൽ കേസെടുത്ത പോലീസ് അന്വേഷണം തുടങ്ങി.
