കണ്ണൂർ : ട്രെയിനിൽ നിന്ന് വീണ് യാത്രക്കാരനായ യുവാവിന് ഗുരുതരം. ഇരിട്ടി ഉളിയിൽ സ്വദേശി മുഹമ്മദ് അലി (37)ക്കാണ് ഗുരുതരമായി പരിക്കേറ്റത്.ഇന്ന് പുലർച്ചെ കണ്ണൂർ റെയിൽവേ സ്റ്റേഷനിലാണ് അപകടം. കണ്ണൂരിൽ നിന്നും ഷൊർണ്ണൂരിലേക്ക് പോകാൻ സ്റ്റേഷനിൽ നിന്ന് പുറപ്പെട്ട ട്രെയിനിൽ യുവാവ് ഓടി കയറാൻ ശ്രമിക്കവേയായിരുന്നു അപകടം. റെയിൽവെ പോലീസിൻ്റെ സഹായത്തോടെ യുവാവിനെ കണ്ണൂരിലെ ആശുപത്രിയിലെത്തിച്ചുവെങ്കിലും അരയ്ക്കു താഴെ ഗുരുതര പരിക്കേറ്റതിനാൽ പ്രാഥമികശുശ്രൂഷയ്ക്ക് ശേഷം പരിയാരത്തെ കണ്ണൂർ ഗവ.മെഡിക്കൽ കോളേജിലെ തീവ്രപരിചരണ വിഭാഗത്തിൽ പ്രവേശിപ്പിച്ചു.
