ആലക്കോട്: തേർത്തല്ലി പെട്രോൾ പമ്പിന് സമീപത്തെ വർക്ക് ഷോപ്പിൽ വൻ തീപ്പിടുത്തം വർക്ക്ഷോപ്പും മൂന്ന് വാഹനങ്ങളും പൂർണ്ണമായും കത്തിനശിച്ചു. ഇന്ന് രാവിലെ 9 മണിയോടെ വർക്ക്ഷോപ്പിൽ ജോലിക്കിടെയാണ് സംഭവം. ഷോർട്ട് സർക്യൂട്ടിനെ തുടർന്ന് വർക്ക്ഷോപ്പിനകത്തുണ്ടായിരുന്ന ഗ്യാസ് സിലിണ്ടർ പൊട്ടിത്തെറിച്ചാണ് തീപിടുത്തമുണ്ടായതെന്നാണ് പ്രാഥമിക നിഗമനം. വർക്ക്ഷോപ്പിൽ നിർത്തിയിട്ട മൂന്നു കാറുകളും കത്തിനശിച്ചു. ഇതിനിടെ തീപിടുത്തിൽ വർക്ക്ഷോപ്പുടമതേർത്തല്ലിയിലെ പുതുപറമ്പിൽ ജിജിക്ക് പൊള്ളലേൽക്കുകയും ചെയ്തു.ഇയാളെ ആശുപത്രിയിൽ പ്രവേശിപ്പിച്ചു വിവരമറിഞ്ഞ് സ്ഥല ത്തെത്തിയ ആലക്കോട് പോലീസും നാട്ടുകാരും അതു വഴിയുള്ള വാഹനഗതാഗതം തടസ്സപ്പെടുത്തിയതിനാൽ വൻ ദുരന്തമൊഴിവായി. വിവരമറിഞ്ഞ് പെരിങ്ങോം ഫയർ സ്റ്റേഷനിൽ നിന്നും സ്റ്റേഷൻ ഓഫീസർ പി.വി. അശോകൻ്റെ നേതൃത്വത്തിലും തളിപ്പറമ്പിൽ നിന്നുമെത്തിയ ഫയർഫോഴ്സ് സംഘവും ഉൾപ്പെടെ മൂന്ന് യൂണിറ്റ് സ്ഥലത്തെത്തിയാണ് തീയണച്ചത്.
