പയ്യന്നൂർ നഗരസഭയിലെ പയ്യന്നൂർ പെരുമ്പ ലിങ്ക് റോഡ് മെക്കാഡം ടാറിംഗ് ചെയ്ത് നവീകരിക്കുന്നതിന് 40 ലക്ഷം രൂപയുടെ ഭരണാനുമതി ലഭിച്ചതായി ടി.ഐ മധുസൂദനൻ എം.എൽ.എ അറിയിച്ചു. പഴയ ഹൈവേ, കെ എസ് ആർ ടി സി ഡിപ്പോയ്ക്ക് സമീപം മുതൽ അപ്രോച്ച് റോഡ് ടു സെൻട്രൽ ബസാർ റോഡ് ആരംഭിക്കുന്നത് വരെയുള്ള റോഡ് മെക്കാഡം ടാർ ചെയ്ത് നവീകരിക്കുന്നതിനാണ് തുക അനുവദിച്ചത്. സാങ്കേതിക നടപടികൾ വേഗത്തിൽ പൂർത്തീകരിച്ച് പ്രവൃത്തി ഉടൻ ആരംഭിക്കണമെന്ന് എം.എൽ.എ ഉദ്യോഗസ്ഥർക്ക് നിർദ്ദേശം നൽകി.
