പയ്യന്നൂർ. തിരുവനന്തപുരം പൂന്തുറയിൽ നിന്നും യുവാവിനെ കാറിൽ തട്ടികൊണ്ടു പോകുന്നതിനിടെ നാലംഗ സംഘം പയ്യന്നൂരിൽ പോലീസ് പിടിയിലായി.തിരുവന്തപുരം പൂന്തുറ സ്വദേശിനിയായ യുവതി ഭർത്താവിനെ തട്ടികൊണ്ടു പോയെന്ന പരാതിയിൽ പൂന്തറ പോലീസ് കേസെടുത്തിരുന്നു. വിവിധ സ്റ്റേഷനുകളിൽ വിവരം കൈമാറിയതിൻ്റെ അടിസ്ഥാനത്തിൽ ഇന്ന് പുലർച്ചെ ദേശീയപാതയിൽപെരുമ്പയിൽ വെച്ചാണ് സംഘത്തെ വാഹന പരിശോധനക്കിടെപയ്യന്നൂർ പോലീസ് പിടികൂടിയത്.ഈ മാസം 28ന് ആണ് പൂവത്തൂർ ചിറമുക്ക് സ്വദേശി രാജൻ്റെ മകൻ രഞ്ജിത്തിനെ (33) ഒരു സംഘം തട്ടികൊണ്ടു പോയെന്ന പരാതി ഭാര്യ രേവതി പൂന്തുറ പോലീസിൽ നൽകിയത്.
തുടർന്ന് പോലീസ് സൈബർ സെല്ലിൻ്റെ സഹായത്തോടെ നടത്തിയ അന്വേഷണത്തിലാണ് സംഘം വാഹനം സഹിതം പയ്യന്നൂർ പോലീസിൻ്റെ പിടിയിലായത്. തുടർന്ന്പൂവത്തൂർ സ്വദേശികളായ
ഷംനാദ് ,നജിംഷാ ബിജു പ്രസാദ്, അജിത് കുമാർ എന്നിവരെയും കാറിലുണ്ടായിരുന്ന പരാതിക്കാരിയുടെ ഭർത്താവ് രഞ്ജിത്തിനെയും ഗോവയിലേക്ക് കടക്കാൻ ശ്രമിക്കുന്നതിനിടെ പയ്യന്നൂർ പോലീസ് കസ്റ്റഡിയിലെടുത്തത്.ഇവർ പയ്യന്നൂർ പോലീസിൻ്റെ പിടിയിലായതറിഞ്ഞ് പൂന്തുറ പോലീസ് പയ്യന്നൂരിലേക്ക് പുറപ്പെട്ടിട്ടുണ്ട്.
തിരുവനന്തപുരത്ത് നിന്നും യുവാവിനെ തട്ടികൊണ്ടുപോയ 4 പേർ പയ്യന്നൂരിൽ പിടിയിൽ
