എടക്കാട്. വീടിന് സമീപം കാർ നിർത്തിയിട്ടത് ചോദ്യം ചെയ്ത വീട്ടുടമയെ ഇരുമ്പ് വടി കൊണ്ട് ആക്രമിച്ച രണ്ടു പേർക്കെതിരെ പരാതിയിൽ കേസെടുത്തു. കടമ്പൂർ യോഗീശ്വര ഗുരുസ്ഥാനത്തിന് സമീപം താമസിക്കുന്ന എ.പി.സജീവൻ്റെ (54) പരാതിയിലാണ് അഭിനവ്, പ്രശാന്ത് എന്നിവർക്കെതിരെ എടക്കാട് പോലീസ് കേസെടുത്തത്. 26ന് ഞായറാഴ്ച രാത്രി 9 മണിക്കാണ് പരാതിക്കാസ് പദമായ സംഭവം. കടമ്പൂർ കുഞ്ഞിക്കാട്ടിലെ വീട്ടുമുറ്റത്ത് അതിക്രമിച്ചു കയറിയ ഒന്നാം പ്രതി പരാതിക്കാരനെ തടഞ്ഞു നിർത്തി കൈ കൊണ്ട് അടിക്കുകയും രണ്ടാം പ്രതി കൈകൾ പിടിച്ചു വെച്ച ശേഷം ഒന്നാം പ്രതി കാലിൽ ഇരുമ്പു വടി കൊണ്ട് അടിച്ചു പരിക്കേൽപ്പിച്ചുവെന്ന പരാതിയിലാണ് കേസെടുത്തത്.
