ചൊവ്വാഴ്ച്ച പുലര്‍ച്ചെ പടന്ന റഹ്‌മാനിയ്യ മദ്രസക്ക് സമീപം കണ്ടത് പുലിയാണെന്ന് സ്ഥിരീകരിച്ചു .സമീപ വീട്ടിലെ സി സി ടി വിദൃശ്യവും പിലിക്കോട് മാങ്കടവ് ഭാഗത്ത് പുലി കടന്ന് പോയ കാല്‍ അടയാളവും പരിശോധിച്ച പ്രകാരം പുലി തന്നെയാണെന്ന് RRP സെക്ഷന്‍ ഫോറസ്റ്റ് ഓഫീസര്‍ കെ.രാജു പറഞ്ഞു പുലിയെ കണ്ടെത്തുവാന്‍ പിലിക്കോട് ഭാഗത്ത് രണ്ട് ക്യാമറ സ്ഥാപിച്ചിട്ടുണ്ട് . പടന്നയിലും സ്ഥാപിക്കുന്നുണ്ട്.സുരക്ഷാ സംവിധാനം വിലയിരുത്തുവാന്‍ ജില്ലാ ഫോറസ്റ്റ് ഓഫീസര്‍ സ്ഥലം സന്ദര്‍ശിക്കുന്നുണ്ട് .നാട്ടുകാര്‍ മൊത്തം ജാഗ്രത പുലര്‍ത്തുകയും രാത്രി കാല ട്യുഷന്‍ അടക്കം കുട്ടികളെ ഒറ്റയ്ക്ക് പുറത്ത് വിടാതിരിക്കുവാനും പ്രത്യേകം ശ്രദ്ധിക്കേണ്ടതാണെന്ന് പടന്ന ഗ്രാമപഞ്ചായത്ത് പ്രസിഡണ്ട് അറിയിച്ചു.
പടന്നയില്‍ ചൊവ്വാഴ്ച്ച പുലര്‍ച്ചെ കണ്ടത് പുലി തന്നെയെന്ന് സ്ഥിരീകരണം
