പഴയങ്ങാടി. ബസ് സമയക്രമത്തെ ചൊല്ലിയുണ്ടായ വിരോധത്തിൽ കണ്ടക്ടർക്ക് മർദ്ദനം പരാതിയിൽ സ്വകാര്യ ബസ് ഡ്രൈവർക്കെതിരെ കേസ്. ചെറുതാഴം ഹനുമാരമ്പലത്തിന് സമീപത്തെ കെ.വി.വിനീതിൻ്റെ പരാതിയിലാണ് സൈനബ് ബസിൻ്റെ ഡ്രൈവർ പഴയങ്ങാടിയിലെ ശ്രീരാഗിനെതിരെ കേസെടുത്തത്.ഇക്കഴിഞ്ഞ 8 ന് വൈകുന്നേരം 3.45 മണിക്ക് പഴയങ്ങാടി ബസ് സ്റ്റാൻ്റിലായിരുന്നു സംഭവം. പരാതിക്കാരൻ കണ്ടക്ടറായി ജോലി ചെയ്യുന്ന ബസിൻ്റെ സമയത്ത് പ്രതിയുടെ ബസ് ഓടിയതിനെ കുറിച്ച് ചോദിച്ച വിരോധത്തിൽ തലക്കും മുഖത്തും മറ്റും അടിച്ചു പരിക്കേൽപ്പിച്ചുവെന്ന പരാതിയിലാണ് കേസ്.
