മഞ്ചേശ്വരം: കാറിൽ കവർച്ചക്കെത്തിയ അന്തർ സംസ്ഥാന കവർച്ചാ സംഘത്തിലെ രണ്ടു പേർ പിടിയിൽ നാലു പേർ ഓടി രക്ഷപ്പെട്ടു. കർണ്ണാടകമംഗ്ലൂരു കൊടിയുള്ളാളിലെ ഫൈസൽ (45), തുംകൂർ കച്ചേരി മൊഹള്ളയിലെ സയ്യിദ് അമാൻ (22) എന്നിവരെയാണ് മഞ്ചേശ്വരം ഇൻസ്പെക്ടർ ടോൾസണിൻ്റെ നേതൃത്വത്തിൽ പോലീസ് സംഘം പിടികൂടിയത്. കവർച്ചാസംഘത്തിലെ മറ്റ്4 പേർ ഓടി രക്ഷപ്പെട്ടു.കോടല മുഗർ ദൈഗോളിയിൽ കവർച്ചക്കെത്തിയതായിരുന്നു ആറംഗ സംഘം. നമ്പർ പ്ലേറ്റ് നീക്കം ചെയ്ത സ്വിഫ്റ്റ് കാർ സംശയം തോന്നി പരിശോധിച്ചപ്പോഴാണ് അകത്ത് ഗ്യാസ് സിലിണ്ടർ, ഓക്സിജൻ സിലിണ്ടർ, ഗ്യാസ് കട്ടറുകൾ, കൊടുവാളുകൾ ,പിക്കാസ് എന്നിവയടക്കമുള്ള ആയുധങ്ങൾ കണ്ടെത്തിയത്. പോലീസിൻ്റെ തക്ക സമയത്തെ ഇടപെടൽ വൻ കവർച്ച ഒഴിവായി. ഓടി രക്ഷപ്പെട്ട കവർച്ചാ സംഘത്തിലെ മറ്റു പ്രതികൾക്കായി തെരച്ചിൽ ഊർജിതമാക്കി.അറസ്റ്റിലായ പ്രതികളെ ഇന്ന് കോടതിയിൽ ഹാജരാക്കും.
