വളപട്ടണം : ലോട്ടറി റിസൾട്ടിൻ്റെ മറവിൽ മൊബൈൽ ഫോണിലെ വാട്സാപ്പ് വഴി ഒറ്റ നമ്പർ ലോട്ടറി ചൂതാട്ടം ഒരാൾ പിടിയിൽ.അഴീക്കോട് കപ്പക്കടവിലെ പി.വി. സതീശനെ (57) യാണ് എസ്.ഐ.പി. ഉണ്ണികൃഷ്ണനും സംഘവും പിടികൂടിയത്. വൻകുളത്ത് വയൽ ചെമ്മരിശ്ശേരിപ്പാറയിലെ ലോട്ടറി സ്റ്റാളിന് മുൻവശം വെച്ചാണ് ഇയാൾ പിടിയിലായത്. പ്രതിയിൽ നിന്നും 15, 790 രൂപയും ഫോണും ചൂതാട്ടത്തിനുപയോഗിച്ച തുണ്ടുകടലാസുകളും പോലീസ് കണ്ടെടുത്തു.
