തൃക്കരിപ്പൂർ.മാണിയാട്ട് കോറസ് കലാസമിതി ബഹുജന പങ്കാളിത്തത്തോടെ നവമ്പർ 14 മുതൽ 22 വരെ മാണിയാട്ട് സംഘടിപ്പിക്കുന്ന പതിനൊന്നാമത് എൻ.എൻ.പിള്ള സ്മാരക സംസ്ഥാന പ്രൊഫഷണൽ നാടക മത്സരത്തിൻ്റെ സംഘാടക സമിതി ഓഫീസ് നടൻ വിജയരാഘവൻ ഉദ്ഘാടനം ചെയ്തു. കെ.വി.സുരേഷ് അധ്യക്ഷനായി. ഉദിനൂർ ബാലഗോപാലൻ, ഷിജോയ് മാണിയാട്ട്, ബിജു നെട്ടറ, ടി.വി.ബാലൻ, രാഘവൻ മാണിയാട്ട്,സി.പ്രദീപൻ, എന്നിവർ സംസാരിച്ചു. നാടകോത്സവത്തിൻ്റെ ഭാഗമായി കൊല്ലം കാളിദാസ കലാകേന്ദ്രത്തിൻ്റെ അച്ഛൻ, തിരുവനന്തപുരം നവോദയയുടെ കലുങ്ക് ആലപ്പുഴ സൂര്യകാന്തിയുടെ കല്യാണം കോഴിക്കോട് രംഗഭാഷയുടെ മിഠായിത്തെരുവ്, തിരുവനന്തപുരം ശ്രീ നന്ദനയുടെ യാനം എന്നീ മത്സര നാടകങ്ങൾ അവതരിപ്പിക്കും. സിനിമ, നാടക അവാർഡ് വിതരണം, സമൂഹസദ്യ എന്നിവ നടക്കും
