ശ്രീകണ്ഠാപുരം: സ്കൂട്ടറിൽ കടത്തുകയായിരുന്ന 17 കുപ്പി മദ്യവുമായി പ്രതി പിടിയിൽ.മാണിയൂർകാവുംചാൽ സ്വദേശി പി.വി.കൃഷ്ണനെ (50)യാണ് റേഞ്ച് അസി.എക്സൈസ് ഇൻസ്പെക്ടർ കെ. പി .ലത്തീഫും സംഘവും പിടികൂടിയത്.വാഹന പരിശോധനക്കിടെ മയ്യിൽ ടൗണിന് സമീപം വെച്ചാണ് കെ. എൽ.59. വൈ. 1140 നമ്പർ സ്കൂട്ടറിൽ കടത്തുകയായിരുന്ന 17 കുപ്പി മദ്യവുമായി പ്രതി പിടിയിലായത്.റെയ്ഡിൽ ഗ്രേഡ് അസി.എക്സൈസ് ഇൻസ്പെക്ടർ പി.വി.വാസുദേവൻ, പ്രിവൻ്റീവ് ഓഫീസർ ഹാരിസ്, സിവിൽ എക്സൈസ് ഓഫീസർ ഷാജി, ഷിബു എന്നിവരും ഉണ്ടായിരുന്നു.
