കണ്ണാടി ചാരിറ്റബിളിൻ്റെ സ്നേഹഭവനം കൈമാറി

കണ്ണാടിപ്പറമ്പ്:
കണ്ണാടി ചാരിറ്റബിൾ സൊസൈറ്റിയുടെ അഞ്ചാം വർഷത്തോടനുബന്ധിച്ച് നിർമ്മിച്ച നൽകുന്ന വീടിന്റെ താക്കോൽ പി.പി. മിനിക്ക് കൈമാറി.താക്കോൽദാനവും ഉദ്ഘാടനവും സോയ ചാരിറ്റബിൾ ട്രസ്റ്റിന്റെ അധ്യക്ഷയും എ ഐ സി. സി. വക്താവുമായ ഡോ:ഷമ മുഹമ്മദ് നിർവഹിച്ചു. കണ്ണാടിയുടെ പ്രസിഡണ്ട് പി.പി. ആനന്ദ് അധ്യക്ഷത വഹിച്ചു. ചടങ്ങിൽ ഡി.സി.സി. ജനറൽ സെക്രട്ടറി രജിത്ത് നാറാത്ത് റിപ്പബ്ലിക് ദിന സന്ദേശം നൽകി. എം.പി.മോഹനാംഗൻ ,സൊസൈറ്റി സെക്രട്ടറി സി.വി . ധനേഷ്, എൻ. ഇ. ഭാസ്കരമാരാർ, കെ. പ്രശാന്ത്, ഷമേജ് വടക്കയിൽതുടങ്ങിയവർ സംസാരിച്ചു, കണ്ണാടി നടത്തിയ ഓൺലൈൻ മത്സരങ്ങളുടെ സമ്മാനദാനവും രാജേഷ് കോയ്യോടിന്റെ 110 മത് വേദിയിൽ എത്തിയ അച്ഛൻ എന്ന ഏകപാത്ര നാടകവും അരങ്ങേറി.