പഴയങ്ങാടി : സ്കൂൾ കലോത്സവത്തിലും വിവിധ മേളകളിലും മികച്ച വിജയം കരസ്ഥമാക്കിയ കുട്ടികളെ അനുമോദിക്കുന്നതിന് വെങ്ങര ഹിന്ദു എൽ.പി സ്കൂളിൽ വിജയോത്സവം നടത്തി.
പ്രശസ്ത ഗാന രചയിതാവും സംസ്ഥാന ചലച്ചിത്ര അവാർഡ് ജേതാവുമായ ഹരീഷ് മോഹനൻ ഉദ്ഘാടനവും ഉപഹാര സമർപ്പണവും നടത്തി. പി.ടി.എ പ്രസിഡണ്ട് ശ്രീ .വി .സമർനാഥിൻ്റെ അധ്യക്ഷതയിൽ ചേർന്ന യോഗത്തിൽ മദർ പി.ടി എ പ്രസിഡണ്ട് പി.സിന്ധു, മുൻ പി.ടി.എ പ്രസിഡണ്ട് ശ്രീ.ബിജു ഇട്ടമ്മൽ, പൂർവ്വ വിദ്യാർഥി എ. സീനത്ത്, ടി.വി രോഷ്നി, ഇമഷൈജു എന്നിവർ ആശംസകൾ അർപ്പിച്ചു സംസാരിച്ചു.സ്കൂൾ ഹെഡ്മിസ്ട്രസ് കെ.തുളസീ ദേവി സ്വാഗതവും സ്റ്റാഫ് സെക്രട്ടറി കെ.വിദ്യ നന്ദിയും പറഞ്ഞു. തുടർന്ന് കുട്ടികളുടെ വിവിധ കലാപരിപാടികളും നടന്നു.
വെങ്ങര ഹിന്ദു എൽ.പി സ്കൂളിൽ വിജയോത്സവം നടത്തി.
