പെരിങ്ങോം .പ്രായപൂർത്തിയാകാത്ത പെൺകുട്ടിയെ പീഡിപ്പിച്ച ശേഷം ഒളിവിൽ പോയ പ്രതിയെ പോലീസ് ഗോവയിൽ വെച്ച് പിടികൂടി.പെരിങ്ങോം മടക്കാംപൊയിൽ സ്വദേശി പി. പി.നോബിളിനെ (27)യാണ് പെരിങ്ങോം സ്റ്റേഷൻ പോലീസ് ഇൻസ്പെക്ടർ മെൽബിൻ ജോസും സംഘവും പിടികൂടിയത്. ഒളിവിൽ കഴിയുന്നതിനിടെ പ്രതിയെ ഇന്നലെ രാത്രിയിൽഗോവയിലെമഡ് ഗോവ റെയിൽവേ സ്റ്റേഷൻ പരിസരത്ത് വെച്ചാണ് പോലീസ് സംഘം പിടികൂടിയത്.2022 -ൽ ആയിരുന്നു സ്റ്റേഷൻ പരിധിയിലെ പ്രായപൂർത്തിയാകാത്ത പെൺകുട്ടിയെ പ്രണയം നടിച്ച് പ്രതി ലൈംഗീകമായി പീഡിപ്പിച്ചത്.പിന്നീട്സംഭവം പെൺകുട്ടി വീട്ടിൽ പറഞ്ഞതോടെ ഇക്കഴിഞ്ഞ ജൂണിൽ പെരിങ്ങോം പോലീസിൽ പരാതി നൽകി. പെൺകുട്ടിയുടെ മൊഴി രേഖപ്പെടുത്തിയ പോലീസ് പോക്സോ നിയമപ്രകാരം കേസെടുത്ത് സൈബർ സെല്ലിൻ്റെ സഹായത്തോടെ അന്വേഷണം ഊർജ്ജിതമാക്കിയിരുന്നു.ഗോവയിൽ ഒളിവിൽ കഴിയുന്നതിനിടെയാണ് പ്രതി പിടിയിലായത്.പ്രതിയുടെ അറസ്റ്റു രേഖപ്പെടുത്തിയ പോലീസ് ഇന്ന് കോടതിയിൽ ഹാജരാക്കും.പോലീസ് സംഘത്തിൽ എ.എസ്.ഐ.ഹബീബ് റഹ്മാൻ, സീനിയർ സിവിൽ പോലീസ് ഓഫീസർമാരായ ഇ.സി.കെ.ജിജേഷ്, സി. പ്രജീഷ്, സി.വി.രജീഷ്, സൈബർ സെൽ വിദഗ്ധൻ പ്രണവ് എന്നിവരും ഉണ്ടായിരുന്നു.
